U3F1ZWV6ZTUzMTc2NjU4ODg0NjM0X0ZyZWUzMzU0ODQzNDY1NjAzMA==

كلمات وفيديو اغنيه محمد رمضان الجديده هما عايزينها فوضى

نشر الفنان محمد رمضان علي القناة الرسميه الخاصه به علي موقع YouTube فيديو كليب أغنية "هما عايزينها فوضى" بعدما اعلن للجمهور عن اصدارها منذ يومين ردا علي من يريد تخريب البلد.
اغنيه محمد رمضان الجديده, محمد رمضان, هما عايزينها فوضى


أغنية “هما عايزينها فوضى” من كلمات وألحان فرغلي بلاكس، وإخراج ياسر سامي.

ويعد كليب “هما عايزنها فوضى” التعاون الرابع بين محمد رمضان والمخرج ياسر سامى بعد كليب أغنية “مافيا واغنية القمر” والحفلة الأولى لمحمد رمضان التى أقيمت فى القاهرة بالتجمع الخامس.

يذكر أن محمد رمضان احتفل مؤخرًا بوصول قناته الرسمية على يوتيوب، إلى 2 مليار مشاهدة، وكان النجم محمد رمضان قد أحيا حفلا غنائيا فى الساحل الشمالى الجمعة الماضية بحضور متابعيه ومحبيه.

فيديو اغنيه محمد رمضان الجديده هما عايزينها فوضي




كلمات اغنيه محمد رمضان الجديده هما عايزينها فوضى

هما عايزينها فوضى فوضى فوضى
هما عايزينها فوضى

ولا انت مش راجل
بعد ما هربت بعيد جاي تعمل فيها مناضل بالباطل

ازاي عايز تخطط لمستقبل شعب كامل
لو مشروع حياتك الوحيد اللي انت عملته فاشل

تعرف ايه انت عن الشارع واللي بيحصل فيه
تعرف ايه عن الطفل اللي من صغره بيصرف على البيت

تعرف ايه عن الغلبان اللي بيعرق لأجل الجنيه
اكيد مسمعتش صوت الشعب و انت جوه الكباريه

تعرف ايه عن الاصول و حق الملح و العيش
تعرف ايه عن الامان اللي سببه الشرطة و الجيش

اللي مالوش كبير بيشتري ده اللي اتربينا عليه
و ده بينفي انتماء الشارع اللي بتدعيه

طب افترضنا ان كلامك ده بجد
لما نعض في بعض ازاي ده هجيبلك حق
استنى انت بتقول انك مقاول
فطبيعي مش هتلاقي فرصه شغل غير لما الدنيا تتهد

البينه على من ادعي
لو اتفرقنا مين وراك هيبقى ليه منفعة

ابليس و اخوانه عايزينها مولعة
مصر جنه بيهابوها عشان اهلها متجمعة



هما عايزينها فوضى فوضى فوضى فوضى
مهما هيعلوا صوتهم لسه صوت الحق اوضح

عدى علينا كتير منكم على مر الازمان
احنا مقبره غزاه انتوا مجرد هواه

الخسيس الجبان ملوش وسطنا مكان
هنفكركم لو نسيتوا بلد الأمن والأمان

اللي اتذكرت في القرآن و بتعلى كل يوم بولادها
اللي منهم عالحدود و اللي بيذاكر المنهج

الفلاح و الصنايعي و الظابط و الأم في بيتها
مش اللي قرر انه يبيعها و يهرب منها بعيد و يسيبها

الراجل اللي بجد لو ليه حق مش هيسيبه
لو هرب اخر الدنيا لازم يرجع ويجيبه

عذرا على التشبيه بالنسبالنا التخريف
زي اي فيديو ليك مفيش عاقل عايز يعيده

هما عايزينها متدمرة
بالنسبالنا وطن بالنسبالهم مستعمرة

بالعدل و السلام هنتحرك لقدام
مستحيل نرجع خطوة تاني ورا

هما عايزينها فوضى فوضى فوضى فوضى
مهما هيعلوا صوتهم لسه صوت الحق اوضح

اغنية هما عايزينها فوضى
غناء: محمد رمضان
ليست هناك تعليقات
إرسال تعليق

إرسال تعليق

الاسمبريد إلكترونيرسالة